Thursday, August 18, 2011

പ്രവാസിയുടെ പ്രമാണം














ചേര്‍ത്ത് പിടിച്ച മണ്ണിന്റെ
ചോര്‍ച്ച വീണ
റൺവേയിൽ നിന്നാണ്
കിനാവുകളുടെ വെയില്‍
ഉയർന്നു പൊങ്ങിയത്.
എവിടെയോ ഒരു  പ്രമാണം
എന്നെയും തിരയുന്നുണ്ടാവണം !


ആധാരമില്ലാത്ത മണ്ണിൽ
വെയിൽകൊണ്ട്  വെന്ത്
കരിഞ്ഞു തുടങ്ങിയ മാംസം
ചുമച്ചു ചുമച്ച് ചോരയിൽ
ബാക്കിയായപ്പോഴാണ്
തിരിച്ചുപോക്കിന്  
വൈദ്യൻ ചീട്ടെഴുതിയത്

ജനിച്ച മണ്ണിൽ
കാലുറയ്ക്കും മുൻപേ
തണുത്ത നെഞ്ച്
മണ്ണോട് ചേർന്ന്
വിളിച്ചു പറയുന്നുണ്ട്
കൊതിച്ച മണ്ണിന്റെ
കീഴാധാരം !

പ്രവാസിയുടെ 
നെഞ്ചിലെ 
നെരിപ്പോടിനകത്ത്
എപ്പോഴും തിരയുന്നുണ്ട്
ആറടിമണ്ണിന്റെ
അടിയാധാരം.

Tuesday, August 9, 2011

ചാറ്റല്‍ മഴ




















മിസ്ഡ് കാളുകളില്‍    
ഉരുണ്ടുകൂടിയ  
പ്രണയത്തിന്റെ 
കണ്ണുനീര്‍ തുള്ളികളാകുമോ
നിലയ്ക്കാതെ പെയ്യുന്ന 
ചാറ്റല്‍ മഴ...?



Image courtesy: Google images