പ്രണയം
ഇന്നൊരു പുരാവസ്തു
കറുത്ത പുകമറയ്ക്കുള്ളിലെ
മറഞ്ഞ മേഘക്കൂട്ടം
പ്രണയം
ജനിച്ച കുഞ്ഞിന്റെ
മുറിയാത്ത പൊക്കിൾകൊടി
ചുറ്റിയ മരത്തടികളുടെ
വറ്റാത്ത ഓർമ്മ
തിലകമണിഞ്ഞ കാമുകിയുടെ
ഹ്രുദയത്തിലെ ചീന്ത്
വേദനിച്ച വീട്ടുകാരുടെ
ഇളകാത്ത താക്കീത്
മരിച്ച മനുഷ്യന്റെ
ചൂടുള്ള തലച്ചോർ
പ്രണയം
ഇന്നൊരു പുരാവസ്തു
തുറന്ന വരാന്തകളിലെ
മിണ്ടാപൂച്ച
അടഞ്ഞ മുറിക്കുള്ളിലെ
രാക്ഷസൻ
പതറുന്ന പതിവ്രതകളുടെ
നിർവാണ മുഹൂർത്തങ്ങൾ
ചാഞ്ഞുമറയുന്ന സൂര്യന്റെ
അടഞ്ഞുപോകുന്ന കണ്ണുകൾ
പ്രണയം
ഇന്നൊരു പുരാവസ്തു
മരിച്ച പോൽ ജീവിക്കുന്ന
ശിഖണ്ഡിയുടെ ശരീരം.
ചില കോറിയിടലുകള് ..... എഴുതിയത് കവിതയാണെന്നോ കഥയാണെന്നോ സാഹിത്യമാണെന്നോ അവകാശവാദമില്ല. ഒന്നുണ്ട്, എഴുത്തിന്റെ പേറ്റുനോവ് അനുഭവിച്ചിട്ടുണ്ട്; ഓരോ വരികളിലും....! ഈ കോറിയിടലുകളിൽ ഇടപെടുക, എന്തെങ്കിലുമൊക്കെ കോറിവരഞ്ഞുകൊണ്ട്.
"തിലകമണിഞ്ഞ കാമുകിയുടെ
ReplyDeleteഹ്രുദയത്തിലെ ചീന്ത്
വേദനിച്ച വീട്ടുകാരുടെ
ഇളകാത്ത താക്കീത്"
നന്നായിട്ടുണ്ട്‌...
പ്രണയം പുരാവസ്തുവാകുന്നത് പ്രണയിക്കാന്‍ അറിയാത്തത് കൊണ്ടാ.
ReplyDeleteകവിത ഇഷ്ടായീ.
നന്നായി.
ReplyDeleteആശംസകള്‍..